@                  బాపు రమణల సప్తస్వరాలు

ఆ.వె.  జంట కవుల పదము పంటలు పండించ

          నాడు దేశ మంత నాట్య మాడె;

          రెండు భాషలకును మెండైన కవులైరి

          వారి అంశ కాదె! బాపు రమణ!

ఆ.వె. గీత ప్రాణ పదము రాతలు రమణవి

          రాత, గీత బాపు రమణమయ్యె;

          సినిమ సీమ లోన సిరుల ముగ్గులనల్లె

          బాపురమణ జంట బహుపరాక్కు!

ఆ.వె. గీత సాక్షి రాత గీటుగా మొదలైన

          బాపురమణ జంట పయన కీర్తి    

          “రంగుసీమ” లోన రసగులికలనిచ్చె

          బాపురమణ జంట బహుపరాక్కు!

ఆ.వె. తడిసి “ముద్ద” అగుట తరతరాలుగ వచ్చె

          తడిసి “ముద్దు” రమణ తరహ రాత!

          తడిసి “హీరోఇన్లు” మడిగట్టు కుందురా?

          గీతగీయు బాపు; రాత రాయు రమణ!

ఆ.వె. మైత్రి లోని విలువ ధాత్రిలో చాటెను

          “ఉభయ కవులు” వారు అభయమిచ్చె

          రమణ లేని బాపు రసహీన కావ్యంబు

          కాదె! రాత లేక లేదు గీత!

ఆ.వె. సహజముగ “మరణము” సామాన్యులిలపోవ;

          మాన్యుడిలను పోవ అన్యమగును;

          మహిమగాదె  హ! అసమాన్యుడు పోవంగ!

          చేరు కొనెను బాపు చెంత రమణ!

సీ.      రాసిన రాతకు గీసిన గీత సా

          క్షిగ నిల్చి రస సృష్టి యగుట ఘనము;

          గీసిన గీతకు రసప్రుష్టి గల్గుట

          వేసిన రంగుకు రాసినట్టు!

          “రెండు జడల సీత” రెండు తెలుంగుల

          తెరచాటు వెలుగుల తెలుగు బాల!

          బాణికి సరిపడ వాణిని పల్కిన

          బాపు రమణలైరి బాసరమణి!

ఆ.వె. వేయు పల్కనేల? వెలుగు తెల్గులసాక్షి

          వెండితెరకు సాక్షి వేదమగును!

          కుంచె బాపు కదల కురిపించెను రమణ

    @                           77.  నీరమే సర్వమూ  (77-85)

                                          

        సాకి:
        జల హీ జీవన్ హై :  పానీ హీ ప్రాణ్ హై

        పల్లవి: 
        జలమే జీవనమూ

        నీరమే జీవానాధారమూ

        జలములే జీవనరేఖలూ

        నదీ నడములే జీవనాదములూ

        చరణం:
       వాడిగా, వాడి వాడిగా,

       మాట కారిగా

       ప్రవహించే పెన్నావాణీ

       అచ్చ తెనుగు జాణరా

       మగని మగవానిగా                       

       మలచిన తెగువారా

       అది నీటి లోని మేటి గుణమూ

       మనుమసిద్ధి ఏలిన               

       నెల్లూరు పట్టణమూ

       పెద్ద పట్టణము-పెన్నాపట్టణమూ         :జలమే:

       చరణం:
       క్రిష్ణమ్మ మహోగ్ర ధాటి

       సరియా నిటలాక్షు ధాటి?

       వాగులూ, వంకలూ

       అవలీలగా దాటి

       కొండ, కోనలు దాటి

       దివి సీమ దాటి

       మధ్యలో, మన్నులో

       కోహినీరులు గన్న

       వజ్ర మాత-బెజవాడ

       నగరు మాత

       కాలు మోపిన చాలు

       తలలెత్తు పౌరుషము

       అది నీతి మహిమరా

       అదిఏను నీటికి దీటైన గుణమూ          :జలమే:

       గోదారి గలగలలూ

       పలికెను సరిగమలూ
       మాటలా అవి ముత్యాల మూటలూ

       పారేటి ఏడేటి పాయలూ

       సప్త ఋషుల సప్త వర్ణాలూ

       తోడుగా నడిచేటి ఏడడుగులూ

       రాజసబోలుకు రాజమహేంద్రి

       తెలుగు తోబుట్టువమ్మ గోదారి తల్లికి      :జలమే:

                                    78.మన నాయకులా వీళ్ళు?

        సిగ్గు చేటు, సిగ్గు చేటు మన నాయకుల తీరు

        సభలను రభసలుగ జేసిరి మన ప్రతినిధులు

        ఘనమైన గణతంత్రం హీనమైన వైనం

        సిగ్గు చేటు, సిగ్గు చేటు ప్రతినిధుల దిగ జారుడు!          :సిగ్గుచేటు:

        ప్రపంచాన పెద్దదైన భారత గణతంత్రం

        చట్టాలకే పరిమితమైన తూ తూ మంత్రం

        సిగ్గు చేటు, బడికి చేటు, గుడికి చేటు

        టోటల్గా మన ప్రజా తంత్రానికే చేటు                             :సిగ్గు చేటు:

        భజన కోద్దీ లబ్ధి ఒక నాడు

        విభజన కొద్దీ లబ్ధి ఈ నాడు

        విభజించి పాలించిన తెల్ల వాడు

        విభజించిన తీరు చూసి తెల్ల మొఖం వేశాడు                 :సిగ్గు చేటు:

        మరిగే నీళ్ళల్లో ముఖం చూసుకో గలమా?

        మన శబ్దం లేక పొతే మనుగడ సాధ్యమా?

        స్వార్ధమే వేదమైన “స్వాహా” పరిపాలనలో

        “ఆత్మా శోధన కన్నా తరుణోపాయము లేదన్న             :సిగ్గు చేటు:

                                        79.   ఇంక ఊరుకోం

పల్లవి: 
చూసీ చూడకుండ పోయామింత వరకూ

చూసీ, చూసీ, మేం చూస్తూ చావాలా ఇంకానూ?          :చూసీ:

చరణం: 
పటా పంచలుగా తెంపేస్తాం సంకెళ్ళను

ప్రజాస్వామ్య సంకెళ్ళనూ

ధన స్వామ్య కోట గోళ్ళనూ

నేర స్వామ్య బలవంతులనూ

మేం పటా పంచాలుగా తెంపేస్తాం సంకెళ్ళనూ

చరణం: 
భాగో- భాగో ధన స్వామ్యమా!

భాగో-భాగో నేర స్వామ్యమా!

జాగో-జాగో యువ భారతమా!

జాగో-జాగో- నవ చైతన్యమా!                                     : చూసీ:

చరణం:
భారత దేశంలో పుట్టడమే నేరంమ?

పుట్టించిన ఆ భగవంతుడిదా నేరం?

అవినీతి ప్రదేశము అతి నీచమూ

ఎన్ని వేల కోరుటులున్నా,

ఎన్నేళ్ళకో న్యాయమూ!                                          :చూసీ:

చరణం: 
నాలుగు స్తంభాలాట ప్రజాస్వామ్యమూ

న్యాయ స్తంభము దిగ జారి పోయేనూ

తల్లి గుండెల్లో గుచ్చుకు పోయేనూ

ఆపేక్షించరా ఆపద్ధర్మ సూత్రమూ

ఉపేక్షించకూ న్యాయ సూక్ష్మమూ

అవినీతి ప్రదేశము అతి నీచమూ             :భాగావో:      :చూసీ:

చరణం: 
ప్రజకో నీతి, నేతలకు వేరే నీతులా?

ప్రవృత్తుల నిగ్గు తేల్చక పోటీ ఇక చెల్లదు

గణించి, గుణించి ఎరుకుంటాం నేతలనూ

జవాబుదారీకే ఇక పట్టం

సన్నాసులకిక కట్టం పట్టం

కానియ్యం గణతంత్రం తూ తూ మంత్రం

చరణం: 
ఆరంభం మాత్రమె అంతం లేనిదీపోరూ

జనబాహుళ్యం పిలుపు మేరకూ

జన స్వామ్యం నెగ్గే వరకూ తుది దాకా పోరాటం చేస్తాం

భారతమాతకి పట్టం కడతాం ప్రజా పట్టం కడతాం          :చూసీ:

                                           80.  ఓ డ్యూయెట్

పల్లవి: 
నీ నీడ నా నీడ తారుడుతున్నాయి యారాడ కొండ మీదా

నీ చూపు, నా చూపు దోబూచులడాయి నీలాల నీళ్ళ లోనా    :నీ:

చరణం: 
నీ చూపు నా గుండె గోడల్లో గుచ్చుకుని

నీలాల నీళ్ళల్లో చప్పుళ్ళు చేస్తుంటే...

         ఆ మాటా – ఈ మాటా – ఏ మాటా

         వినవాయే మనసు చెవులూ

         వలపు మాటలే వినబడతాయని

         ఎన్ని సార్లు చెప్పనే? నీకెన్ని సార్లు చెప్పనే?

         చెప్పకనే చేపుతుందే ప్రేమ చప్పుడూ

         ఆ మనసుంటే చాలునే ప్రేమ సాగును

         నూరేళ్ళ పాట పాడును నూరేళ్ళు ప్రేమ సాగును

         పదిలంగా వెయ్యేళ్ళు

         ప్రేమ గోరింట పండును       :నీ నీడ:

చరణం:
శృతి తప్పి కోరికలు గతి తప్పుతుంటే

గది మదిలో గమకాలూ గుమిగూడి

ప్రేమ కమటాలే పెట్టేసి

తమకాలే ఉసికొలుపుతుంటే

కట్టు తప్పి, గుట్టు విప్పి

చెలరేగి అలలెగిసి పడుతుంటే

చరణం(హీరోయిన్): 
స్త్రీ హృదయం రత్నగర్భ యని

         తెలియదో! వేర్రోడా!

         చెరువంత కన్నుల్లో

         చెలి కోరికలు చెలరేగి పోతుంటే

         జాలమేలనో? జారిన నిమిషంలో

         జరుగుతున్నా కవనాలు

         ఆగి, ఆగి మూగిన, గుమిగూడిన కధనాలు

         చాలవో! చెలిని చేర, చెంత చేర్చ

         చప్పుళ్ళు వినలేవో?

         యెంత సేపూ, నీకెంత సేపూ

         చేక్షువాటలే గాననీ, ఛాయలు లేవోకో

         చర్చలకిది ఏమైనా ప్రజాతంత్రమా?

         ఇది ప్రణయ తంత్రమూ

         చర్యల ప్రణయ తంత్రమూ         :నీ నీడా :  
@       

                                               81.  అన్నుల మిన్న

పల్లవి: 
మల్లెల వేళ మనసు లాగు చున్నది

వెన్నెల వేళ మమత రేగు చున్నది

దూరమదేల? అనువైన వేళ?                        :మల్లెల:

చరణం:
పువ్వులు పూచే పున్నమి రోజు

నందన వనమై విరిసే నవ్వులు   

మంచే పువ్వై మించిన సొంపా                                    

బింక మదేల? ఒంపుల కెంపా!                       :మంచే:

చరణం: 
సన్నగ వీచే చల్లని గాలి

ఎన్నగ నీవే అన్నుల మిన్న

ఎచటో తాకే మన్మధ శరమూ                                             

ఎటకో పోయే ఎదపై స్వప్నం                          :ఎన్నగ:

చరణం:
అందెల రవళి గుండెలు తాకి

మోహన రాగం వీణై పాడే

చనువున రావే చలుముల రాణీ

బిరా బిరా రావే బిడియము మాని                   :మల్లెల:

                                                   82.  ఎక్కడ? నీవెక్కడ?

పల్లవి:
ఎటు పోయావు స్నేహమా?

ఏమైనావు స్నేహమా?

చిరునామా లేకుండా

కంటి కసలు కనబడకుండా                  :ఎటు:

చరణం: 
చెవి లోన జోరీగై

ఎవరో పిలిచినట్లు

వెన్ను తట్టి లేపినట్టు

కలత నిద్రలో తట్టి

నన్ను లేపినట్టు 

నీ పేరే తలపుల ధ్యానం

దీని పెరేనేమో వ్యసనం!                      :నీ పేరే:

చరణం:
మితి మీరి చేశా స్నేహం

కొని తెచ్చు కున్నా రోగం

వ్యసనమని తెలుసుకునే లోగా

బతుకే తెల్ల వారేగా

నేవ్వేతైనా పోవే స్నేహమా

చిరునామా చేరిపేస్తా

హద్దు రేఖ గీసేస్తా

మితి మీరిన స్నేహం చేస్తే

వ్యసనమని చాటింపు వేస్తా                 :ఎటు: